தனிமை..

"கடைக்கு வரியா.."

"தலை வலிக்குது.. வரலை.."
நட்புக்கு பொய் சொல்லி

மனதுக்கு பழகிவிட்டது..

"ஏன்டா லேட்டு?"

"ஒண்ணுமில்லம்மா.."

கால் போன போக்கில்

என் நேரங்களும்

போக தொடங்கிவிட்டன.

"வாடா சாப்டலாம்.."

"நான் சாப்ட்டாச்சு.."

சொந்தங்கள் ஆயிரம்

இருந்தும் தனிமையை

உணரும் மனசு.

இப்போதெல்லாம்

தனிமைதான் எனக்கு

தாய் போல..

உன் நினைவுகளால்

தாலாட்டிகொண்டே இருக்கிறது.

............................................................

காதலில் தனிமையும்

ஒரு சுகம்தான்..

பலர் சொல்ல கேட்டதுண்டு..

ஆனால் நான் காதலித்து

இத்தனை நாட்களாகியும்

எனக்கு தனிமை கிடைக்கவேயில்லை..

நிஜமாகவோ.. நினைவாகவோ..

என்னருகே நீயிருக்க

தனிமைக்கு நான் எங்கே போவேன்.

........................................................

Ppriyamudan..

லோ க நா த ன் . .