எங்கிருக்கிறாய் நீ..

காய்ந்து போன முற்றத்தை

ஈரமாய் அணைத்துக்கொள்ளும்

நிலவின் ஒளியாய்..

உன் நினைவுகள்.

*****************************

ஏதும் அறியாதவையாய்

எப்போதும் போல கேட்கின்றன

என் தோட்டத்து பூக்கள்..

எங்கே உன் அன்பென்று?

தவமின்றி கிடைத்த

வரங்கள் யாவும்

நிலைப்பதில்லையென்று

சொன்னால் புரியுமா அவைகளுக்கு.

***********************************

கவிதைகள் விற்பனைக்கு..

அலங்கரிக்கப்பட்ட வார்த்தைகளிலோ

அசரடிக்கும் கவிதைகளிலோ

வாழ்வதில்லை காதல்.

**********************************

மனதறிந்து பேசுபவரிடம்கூட

மனதோடு தோன்றுவதை

பேசிவிடாதே..

மிகசிலரால் மட்டுமே

புரிந்துகொள்ள முடிகிறது.

பலரால் பிரிந்து செல்லதான்

முடிகிறது மிக எளிதாக.

*********************************

தேசம் இழந்த அகதியாய்

அலைந்து கொண்டிருக்கிறது

மனசு..

எங்கிருக்கிறாய் நீ.

*********************************

ப்ரியமுடன்..

லோகநாதன்.