மனசு..

பிரிவுகள் சுகம்தானே

அதற்கேன் இப்படி வருத்தம்?

களையிழந்த காம்பிடம்

கேட்டதற்கு..

அவளில்லாத நீயும்

இப்படித்தானே இருந்தாய் என

திருப்பி கேட்கிறது.

...............................................................

உனக்கும் எனக்குமான

நேரங்களைஎல்லாம்

மிக கவனமாய் சேர்த்து

வைத்திருக்கிறது மனசு.

நமக்கான எதிர்காலமே

இனி இல்லை என

நீ உணர்த்தும்போதேல்லாம்

நம் இறந்தகாலங்களை

இறுகப் பற்றிக்கொள்ள

தவறியதேயில்லை ஒருபோதும்.

.............................................................

ஒருமுறை அழகாய்

பூத்து குலுங்கினால் போதும்

ஆயுள் வரை வாடாமல்

பார்த்துகொள்ளலாம்தான்.

எனக்கு வேர்களே இல்லை என்கிறாயே.

.........................................................................

விரும்பினாலும் விலகினாலும்

உன்னிடம் மட்டுமே வருவேனென

அடம்பிடித்து தொலைக்கிறது.

விரும்பி வரும்போதெல்லாம்

காயங்கள் மட்டுமே தருவாய்

என்பதை அறியாமல்.

..........................................................

ப்ரியமுடன்..

லோகநாதன்.