மனசு..

இனி நமக்கான நேரங்களே

இல்லையென உணரும்போது

கடந்துசென்ற நமக்கான

நேரங்கலனைத்தையும் மிகச்சிறப்பாய்

உணர்கிறது மனசு..

நமக்கான நேரங்களனைத்தும்

பெரும்பாலும் சண்டைகளாகவே

முடிந்திருந்தாலும்.
------------------------------------------------------------------

எப்போதும் போல்தான்

வருகின்றன மழை நாட்கள்..

கொஞ்சம் கவிதைகளையும்

நிறைய்ய நினைவுகளையும்

தாங்கிக்கொண்டு..
மனசில் மட்டும் ஏனோ

சந்தோசங்களுக்கு பதிலாய் வலிகள்.

-------------------------------------------------------------

கடந்து சென்ற காலங்கள் அல்லது

உதிர்ந்துவிட்ட வார்த்தைகளை

போல்தான் சில உறவுகளும்..

எவ்வளவுதான் தவமிருந்தாலும்

கைசேருவதே இல்லை

கடைசீவரை..

---------------------------------------------------

மிகப்பிடிக்கும் என்றாலும் இப்போதெல்லாம்

அடர்தனிமைகளில் பயணம் செய்யவே

நடுங்குகிறது மனசு.. வழியெங்கும்

உயிரை கொல்லும் உன் நினைவுகளும்

சுயங்கள் திருடும் உன் பிம்பங்களும்

மட்டுமே சிதறி கிடக்கின்றன.

.................................................................................

ப்ரியமுடன்...

லோகநாதன்.